الفستان

كل يوم خميس، كنت بروح أقف قدام فاترينة محل فساتين شيك في الزمالك، وأفضل أبص على فستان أحمر كان سعره مليون ومتين ألف جنيه، مبلغ عمري ما كنت أتخيل إني أقدر أدفعه في فستان، حتى لو فضلت أوفر من مرتبي سنين. كان الفستان متعلّق لوحده في نص الفاترينة، لونه أحمر غامق ولمعته بتخطف العين، وكل مرة كنت أعدّي من قدامه كنت بحس إنه بيناديني بطريقة غريبة. الغريب إني ماكنتش بروح المحل عشان أشتريه أصلًا… كنت بروح كل خميس مخصوص عشان أبص عليه. #انجي_الخطيب في الأول، الموضوع كان مجرد حلم سخيف بالنسبة لي، حاجة بحب أتفرج عليها وأتخيل نفسي لابساه، وبعدها أمشي وأكمل حياتي عادي. لكن اللي حصل يوم الخميس ده خلاني أندم إني وقفت قدام الفاترينة أصلًا. وأنا واقفة ببص على الفستان، لقيت ست كبيرة خرجت من المحل، وقفت جنبي من غير ما تبصلي، وقالت بصوت واطي: "إنتِ لسه بتبصي عليه كل خميس؟" اتجمدت مكاني، وبصيت لها باستغراب. "حضرتك تعرفيني؟" الست ما ردتش، بس فضلت باصة للفستان، وبعد ثواني قالت: "الفستان ده مش معمول عشان يتباع لأي حد… وإنتِ بالذات لازم تبعدي عنه." ضحكت بتوتر وقلت: "ليه؟ هو فيه إيه يعني؟" الست بصتلي لأول مرة، ونظرتها خلت الدم يهرب من وشي. وقالت: "لأن آخر واحدة لبسته… اختفت." وسابتني ومشيت. وقفت مكاني مش عارفة أعمل إيه، وعيني رجعت للفستان الأحمر. لأول مرة، ماحسيتش إني شايفاه مجرد فستان غالي… حسيت إني شايفة سر مستخبي جواه. والأغرب من كده إن بعد ما الست مشيت، لقيت ورقة صغيرة محطوطة تحت ماسورة الفاترينة، وعليها اسمي كامل. #انجي_الخطيب مسكت الورقة بإيد بتترعش، سحبتها بالراحة من تحت الماسورة وأنا بتلفت حواليّا وزحمة الزمالك وصوت العربيات كان زي ما يكون اتبخر فجأة، كل حاجة حواليا هديت إلا صوت ضربات قلبي اللي كانت مسموعة في ودني. فتحت الورقة وأنا مش مصدقة، اسمي الثلاثي مكتوب بخط إيد رفيع وجنبه عنوان في وسط البلد ورقم شقة، وتحتهم سطر واحد بس: "لو عايزة تفهمي السر، تعالي قبل ما السبت يخلص." رجلي ماكانتش شايلاني وأنا ماشية رايحة للتاكسي، الفستان كان لسه في عيني، والست العجوزة بنظرتها الباردة كلماتها بتتعاد في دماغي زي التسجيل: "آخر واحدة لبسته... اختفت." طب عرفت اسمي منين؟ ومين اللي حط الورقة دي؟ هل كانت بتراقبني كل خميس وأنا واقفة زي العبيطة بحلم بفستان مش بتاعي؟ طول الليل ماغمضتليش عين، وكل ما أغمض أشوف الفستان الأحمر بس بدل ما كان بيلمع، كنت بشوفه زي ما يكون دم ينقط على الأرض. أول ما النور طلع يوم الجمعة، لقيت رجلي بتسحبني على العنوان اللي في الورقة، عمارة قديمة من طراز وسط البلد، الأسانسير بتاعها ببيبان حديد مكسورة والشمس مدخلة خيوط نور ضئيلة وسط التراب. طلعت الشقة في الدور الرابع، وقفت قدام الباب الخشبي العالي، أيدي اترددت ثواني قبل ما تخبط. أول ما خبطت، الباب اتفتح بالراحة من غير صوت، وكأن حد كان واقف وراه مستنيني. دخلت بخطوات بطيئة، الشقة كانت مليانة مانيكانات متغشية بقماش أبيض، وريحته مغرقة المكان بأمر مكسور بين التراب وعطر الورد المجفف. من جوة من أخر الممر، طلع نفس الصوت الواطي اللي سمعته امبارح: "كنت عارفة إن فضولك هيجيبك... الفضول هو اللي جاب اللي قبلك." خرجت الست العجوزة من الأوضة اللي جوة، كانت ماسكة في إيدها ألبوم صور قديم ومتهالك، شاورتلي أقعد على كرسي أنتريه قديم. "حضرتك مين؟ وعرفتِ اسمي منين؟ وإيه حكاية الفستان ده؟" قعدت قصادي وفتحت الألبوم، شاورت على صورة أبيض وأسود لبنت جميلة في أواخر العشرينات لابسة نفس الفستان الأحمر. "دي بنتي ندى... الفستان ده تفصيل إيد جوزها المصمم، كان عامله لها مخصوص يوم فرحهم من أربع سنين، بس الليلة دي ماكملتش... ندى اختفت بالليل وهي لابساه من الشقة دي، وماحدش يوصل لها لأثر لحد النهاردة، الشرطة قالت هربت، والناس قالت اتقتلت، بس الحقيقة غير كده خالص." قربت الست وشها مني، ونظرتها المرة دي كانت مليانة حزن ورهبة: "الفستان اتباع بعد القضية لما الشقة اتمزكت، وكل ما يروح لست ويترد للمحل، أكتشف إن صاحبته الجديدة اختفت في ظروف غريبة... أنا بقالي سنتين بتبع الفستان في كل فاترينة بيتحط فيها، ولما لقيتك بتيجي كل خميس تبصي عليه بنفس الشغف اللي كان عند بنتي، عرفت إن النوبة عليكي." اتنفست بصعوبة وقمت وقفت بسرعة: "ده كلام مش منطقي! دي مجرد مصادفات أو خرافات... إنتِ أكيد مجنونة!" الست فتحت الصفحة الأخيرة في الألبوم، ووراتني صورة حديثة بالألوان... كانت صورتي أنا، وأنا واقفة قدام الفاترينة الخميس اللي فات، ومكتوب تحت الصورة بخط إيد غير خط الست: "العروسة الجديدة." قلبي وقع في رجلي، والست بصلتي وقالت بكسرة: "الورقة اللي كانت تحت الفاترينة مش أنا اللي حطيتها يا بنتي... أنا شفت راجل ببدلة سودا حطها ومشي قبل ما أكلمك بثواني، راجل وشوشته مش باينة بس عينيه... عينين جوز بنتي اللي مات رسمياً من سنتين." حسيت إن الهوا انسحب من الأوضة، صدري اتكتم والدموية هربت تمامًا من جسمي. بصيت للصورة تاني، كانت صورتي فعلاً من الخميس اللي فات، الدبابيس المتثبتة بيها الصورة كانت جديدة وتلمع، والكلام المكتوب تحتها بخط يسحب الروح: "العروسة الجديدة". "جوز بنتك؟" صوته طلع بالعافية من زوري، طالع متقطع ومبشوح.. "مش حضرتك بتقولي إنه مات من سنتين؟" الست غمضت عينيها بأسى، ودمعة نازلة بتشق التراب اللي على وشها: "ده اللي المحضر قاله لما لقوا عربيته مقلوبة في الترعة ومولعة.. بس الجثة كانت متفحمة وماحدش قدر يتأكد، والنهارده، لما شفت الراجل ده يحط الورقة تحت الفاترينة وبصلي نفس البصة القديمة.. عرفت إنه حَيّ، وعرفت إنه لسه بيمارس طقسه المريض." ا فستان في الشارع، أنا ماشية من هنا!" جيت ألف عشان أخرج، سمعت صوت حركة خفيفة جاية من الممر الضلمة اللي في أخر الشقة.. صوت جزمة جلد بتخبط على البلاط بالراحة، حشرجة خطوة متأنية واثقة. الست العجوزة اتنفضت من مكانها، وشها اتحول لصفار الموت، ومسكت في ذراعي بأصابع زي الحديد: "الباب مقفول يا بنتي.. هو جه." التفتت برعب ناحية الممر. النور الضعيف اللي يدوب داخل من الشبابيك المتربة كان مبين خيال راجل طاويل، واقف في الضلمة، لابس بدلة سودا شيك جداً، وفي إيده الشنطة البلاستيك الخاصة بالمحل الكبير اللي في الزمالك.. شنطة قماش حمرا كبيرة، وباين منها طرف الفستان الأحمر الغامق. خرج من الضلمة بخطوات هادية، ملامحه كانت حادة، وسيمة ببرود يخوف، وعينيه مثبتة عليّ أنا.. مش على الست العجوزة اللي كرمشت في نفسها ورايا. ابتسم ابتسامة هادية جداً، وصوته نزل في الصالون زي السقيع: "كنت عارف إنك هتستعجلي وتيجي يا ندى.. قصدي يا مريم." جسمي كله اتجمد، معرفتش أنطق ولا كلمة. كمل خطواته لحد ما بقى بيني وبينه متر واحد، حط الشنطة على الترابيزة القديمة، وطلع منها الفستان الأحمر.. القماش كان بيلمع تحت النور الضعيف زي ما يكون حَيّ، وريحة عطر تقيلة ومألوفة فاحت في المكان فجأة.. نفس الريحة اللي كنت بشمها كل ما أقرب من فاترينة الزمالك. "سنتين وأنا بتابعك كل خميس.." قالها وهو بيمسح طرف الفستان بآطراف صوابعه بحنان مرعب.. "كنتي بتبصي عليه بطريقة مختلفة عن كل الستات.. كنتي بتبصي له وكأنك حاسة إنه ملكك.. والفستان مابيبقاش ملك حد، غير لما يلبسه." قرب مني خطوة، وأنا رجعت بضهري لحد ما خبطت في الحيطة: "أنا.. أنا هصرخ.. هلم عليك الشارع!" ضحك بصوت واطي، ضحكة صافية خالية من أي توتر: "الشارع ده مهجور من سنين يا مريم.. والعمارة دي مافيهاش غيرنا.. إنتِ جيتي بنفسك، ورجليكي هي اللي جابتك للسر." فتح الفستان قدامي، ورفع عينيه ليا، ونظرتهم كانت مليانة جنون مش طبيعي: "جربيه.. مقاسك بالضبط.. أنا فصلت التعديلات الأخيرة عليه على مقاس خطواتك وإنتِ واقفة قدام الفاترينة.. جربيه عشان الفستان يلقى صاحبته.. ونكمل القصة." ريحة العطر التقيلة كانت بتخنقني، ونظرة عينيه كانت زي الحبل الملفوف حوالين رقبتي. رجعت بضهري أكتر للحيطة، صوابعي عمالة تفرك في الخشب المأكول ورايا تدور على أي حاجة أدافع بيها عن نفسي. الست العجوزة ورايا كانت بتترعش وصوت شهقاتها المكتومة هو الصوت الوحيد في الشقة، وفجأة صرخت بعلو صوتها: "سيبها يا حسام! حرام عليك.. كفاية لحد كده! ندى راحت فين؟ عملت إيه في بنتي؟!" حسام حوّل نظره ليها لثانية واحدة بس.. ثانية واحدة عادية جداً، لكن ملهاش غير معنى واحد: الراجل ده معندوش أي ذرة رحمة. وفي نفس اللحظة اللي تلفّت فيها ناحيتها، إيدي لمست حاجة ثقيلة على الترابيزة اللي جنبي.. فازة نحاس قديمة ومتربة. من غير ما أفكر ولا أتردد ثانية، مسكت الفازة بآقصى قوة عندي وخبطته بيها على دماغه. الصوت كان مكتوم، حسام اترطش لورا، إيده سابت الفستان والشنطة وقعت على الأرض، ودم نازل مسح مسافة صغيرة على جبهته. بصلي بذهول، وفي عينيه لمعة جنون مرعبة، وقبل ما يستوعب، صرخت في الست العجوزة: "اجري يا خالة!" جريت ناحية الباب، مسكت الأكرة وهزيتها بجنون.. الباب كان مقفول بالمفتاح من برة! سمعت صوت خطوات حسام القتالة وهي بتقرب مني بالراحة، كان بيمسح الدم من على وش وهو بيضحك ضحكة مقطوعة: "فاكرة إنك هتعرفي تخرجي؟ الفستان ده اتعمل عشانك يا مريم.. ومفيش خروج من هنا غير بيه." التفت ورايا برعب، كان فاضل بيني وبينه خطوتين، وفي إيده سكينة صغيرة كان مخبيها في جيب بدلتة. الست العجوزة اندفعت عليه فجأة بكل قواها، مسكت في إيده اللي فيها السكينة وهي بتصرخ: "افتحي الشباك يا مريم! اصرخي للشارع!" المنظر كان كابوس.. حسام زق الست بقسوة وقعت على الأرض، وفي اللحظة دي أنا اندفعت ناحية الشباك الكبير اللي بيبص على المناور والعمارة اللي جنبنا، فتحت الدلفتين الخشب القدام وهزيت السلك المكسور بصرخة طالعة من أعمق نقطة في قلبي: "الحقوووني! يانهار اسود الحقوني في الدور الرابع!" الصوت يرن في المنور الضيق، وسمعت صوت بيبان بتتقفل وصوت ناس بتتكلم تحت في الشارع. حسام اتفاجئ بالصرخة، بصلّي بغل، وبص للست اللي كانت ماسكة في رجله ومش راضية تسيبه. صوت خطوات ثقيلة وبودر بدأ يتسمع على السلم القديم.. بواب العمارة اللي جنبنا وناس من الشارع كانوا طالعين يجروا بعد ما سمعوا الصرخة العالية. حسام استوعب إن اللعبة انتهت، ساب السكينة تقع من إيده، وبصلي ونظرة عينه فيها حاجة أبرد من الموت.. قرب من الشباك التاني المهجور في أخر الممر، وقبل ما أي حد يكسر باب الشقة ويفتح، رمى نفسه من الشباك للضلمة اللي تحت! صوت كسر الباب كان زي الانفجار، الناس دخلت الشقة، وأنا وقعت على الأرض جنب الست العجوزة ومش قادرة أتنفس.. عيني كانت رايحة وجاية بين الشباك المفتوح وبين الفستان الأحمر المرمي على الأرض، لونه كان بيلمع تحت نور كشافات الموبايلات.. وكأنه بياكل من الدم اللي نزل عليه من جبهة حسام. الشرطة جت، والمطافي جات، بس لما نزلوا يدوروا تحت الشباك اللي حسام نط منه.. مالقوش أي جثة، مالقوش غير فردة جزمة ورقعة قماش حمرا مصلوبة على سور الصفيح. عدت شهور على الليلة دي، وسيبت الزمالك وسيبت شغلي وعزلت في مكان تاني خالص.. بس لحد النهاردة، كل يوم خميس، بمسك موبايلي وبافتح السوشيال ميديا، وأول حاجة بتطلعلي في الإعلانات.. صورة نفس الفستان الأحمر، معروض للبيع في محل جديد.. ومكتوب تحته: "لأصحاب الذوق الخرافى فقط." الإعلان كان على صفحتي الشخصية، كأنه متبعت لي أنا بالذات. الشاشة كانت بتنور بأسود وأحمر، والصورة مرسومة بدقة تخوف.. الفستان متعلّق في نص الصالة، ولونه الأحمر الغامق كان أتقل وألغز من المرة اللي فاتت. إيدي كانت بتترعش وأنا بدوس على موقع المحل الجديد. العنوان كان في حي هادي وقريب من بيتي الجديد.. مكان عمري ما فكرت أعدي منه. قفلت الموبايل ورميته على السرير، وحاولت أقنع نفسي إن دي مجرد "كوكيز" وإعلانات موجهة بسبب تدويري القديم، بس قلبي كان حاسس بحاجة تانية خالص.. حاجة بتجرني للمكان ده زي المغناطيس. يوم الخميس اللي بعده، الساعة كانت داخلة على تمانية بالليل. لقيت نفسي بغير هدومي وبنزل من البيت من غير ما أفكر، خطواتي كانت سريعة وموجهة للعنوان المكتوب في الإعلان. لما وصلت، الشارع كان فاضي تقريباً، والمحل كان في عمارة حديثة، فاترينته أحدث وأشيك بكثير من فاترينة الزمالك. وقفت قدام الفاترينة.. وهو كان هناك. نفس الفستان، بنفس القصة، بنفس اللمعة التي تخطف العين، بس المرة دي كان فيه حاجة مختلفة.. رقعة القماش الصغيرة اللي كانت مقطوعة منه لما حسام نط من الشباك، كانت متخيطة بغرز إيد دقيقة جداً، بلون خيط أسود رفيع. "عجبك؟" الصوت جيه من ورايا مباشرة، بس المرة دي ماكانش صوت ست عجوزة ولا صوت حسام.. كان صوت بنت شابة، رقيق وهادي، بس فيه نبرة جمود غريبة. التفت بسرعة، لقيت بنت في العشرينات، لابسة يونيفرم المحل الشيك، واقفة وابتسامتها هادية جداً. "أنا.. أنا بس كنت بتفرج،" قلتها بصوت طالع بالعافية. البنت قربت من الفاترينة، وبصت للفستان بذهول وقالت: "الفستان ده لسه واصل النهاردة الصبح.. المصمم بتاعه جابه بنفسه، وقال إن فيه واحدة معينة هي اللي هتيجي تطلبه.. ووصفلي ملامحك بالظبط." الدم هرب من وشي، حست بدوخة شديدة والشارع بدأ يلف بيا. "المصمم؟ هو شكله إيه؟" البنت ابتسمت وقالت بوسطية: "راجل وسيم، طويّل، وبدلتة سودا شيك.. بس كان حاطط لزقة طبية صغيرة على جبهته. وقال لي أقولك جملة واحدة بس لو جيتي.." مسكت في سور الفاترينة بكل قوتي عشان ما أقعش: "قالك إيه؟" البنت قربت مني ومالت على ودني، وقالت بصوت واطي وبارد: "قالك.. العروسة ما ينفعش تهرب من فستانها مرتين." الكلمات نزلت عليا زي الميّة المغلية. اللحظة اتجمدت، وصوت البنت كان لسه بيرن في ودني وهي واثقة ومبتسمة ابتسامة باهتة مش فاهمة هي بتقول إيه، ولا عارفة العذاب اللي أنا عايشة فيه. رجعت لورا خطوة بخطوة من غير ما أشيل عيني من على الفاترينة، البنت كانت باصالي باستغراب وبتقول: "يا فندم إنتِ كويسة؟ تحبي تدخلي تشربي حاجة جوة المحل؟" "لا.. لا!" طلعت الكلمة بصعوبة ومسكت نسيمي بالعافية، لفت ضهري وجريت بأقصى سرعة عندي. كنت بجرى في الشارع الضلمة وصوت جزمتي بتخبط على الأسفلت زي دقات قلبي المرعوبة. حاسة إن فيه خيال طويل بيمشي ورايا، إن فيه حد في الضلمة بيبصلي ومستني اللحظة اللي هقع فيها عشان يمسكني. وصلت بيتي ودخلت الشقة، قفلت الباب بالترباس والترباسين، ورميت نفسي على الأرض ورا الباب، باخد نفسي بالعافية ودموعي نازلة مغرقة وشي. "مش هرحمك.. مش هسيبك تتجنني يا مريم.. دي خرافات.. هو حيوان ومريض وهيتجاب!" مسكت موبايلي بإيد بتترعش ودست على رقم الشرطة، أملي الأخير إن حد يلحقني من الكابوس ده قبل ما يدخل عليا البيت. "أيوة يا فندم.. النجدة؟ أنا محتاجة مساعدة بسرعة.. الراجل اللي حاول يقتلني في وسط البلد ظهر تاني!" الضابط على الخط رد ببرود وهدوء: "اهدي يا فندم وقوليلي اسمك وعنوانك بالظبط وإيه اللي حصل." حكيت له كل حاجة في دقيقتين، بصوت متقطع وبكاء مش قادرة أوقفه.. محل الورد، العنوان الجديد، البنت اللي في المحل، والرسالة. الضابط سكت ثواني وبعدين قال: "تمام يا فندم، خليكي في بيتك وقفلي بابك كويس، إحنا باعتين دورية فوراً على عنوان المحل اللي قلتيه." ساعتين كاملين وعدوا وأنا قاعدة على الأرض في نفس المكان، مش قادرة أتحرك ولا حتى أغير هدومي. لحد ما الموبايل رن تاني.. كان نفس رقم النجدة. رديت بسرعة: "أيوة يا فندم؟ وصلتوا للمحل؟ قفلتوه؟" صوت الضابط المرة دي كان مختلف.. مش بارد، بس فيه حيرة وغروبة تخوف: "يا مريم هانم.. الدورية راحت للعنوان اللي حضرتك أديتيهولنا في الحي ده.." سكت ثواني وكمل: "المكان هناك فضاء يا فندم.. قطعة أرض فاضية ومفيش أي محلات شغال هناك من سنين.. العمارة اللي بتقولي عليها لسه تحت الإنشاء ومفيش فيها غير طوب أحمر وخرسانة." الموبايل وقع من إيدي على الأرض. أنا ماصرختش، ولا بكيت.. الدم جمد في عروقي تماماً. بصيت للموبايل وهو مرمي على السجادة، الشاشة نورت فجأة بإشعار جديد جايلي على الواتساب من رقم غريب.. فتحت الرسالة بذهول مش طبيعي، كانت صورة متأخدة لي لايف من جوة أوضتي دلوقتي حالا.. من زاوية الشباك المقفول اللي ورايا.. ومكتوب تحت الصورة: "المرة الجاية.. هلبسهولك بنفسي." صوت الرسالة كان زي رصاصة اتضربت جنب ودني. الموبايل اتزحلق من إيدي على السجادة، وعيني اتسمرت على شباك الأوضة المقفول. الستارة الخفيفة كانت بتهتز بالراحة من هواء التكييف، بس الشباك نفسه كان مقفول بالترباس. الخوف اتحول لبرود مفاجئ، من النوع اللي بيخلي الجسم يتحرك من غير ما يفكر. سحبت السكينة الصغيرة اللي كانت على الترابيزة جنب السرير، ومسكت الموبايل بالإيد التانية. زحفت على أطراف صوابعي ناحية الشباك، قلبي كان بيضرب في أضلاعي كأنه عايز يخرج من صدري. وقفت جنب الستارة، شدتها مرة واحدة... مفيش حد. الشارع تحت كان ضلمة وهادي تماماً، حتى النور الإلهي بتاع الشارع كان مطفي. بس لما نزلت بعيني لأسفل السور الحديد بتاع شباكي في الدور الثاني، شفت حاجة خليت ريقي ينشف. كان فيه حبل غسيل قديم ممدود من شباكي لشباك العمارة المهجورة اللي قدامي، ومتعلق في نص الحبل... الفستان الأحمر. القماش كان بيلف بالراحة مع الهواء، ولونه الغامق بيلمع تحت نور القمر زي ما يكون بيتنفس. وجنبه، على حيطة العمارة اللي قدامي، مكتوب بخط أحمر عريض ورطب لسه بينقط على الأرض: "افتحي الباب يا مريم... العريس برة." في نفس اللحظة اللي قريت فيها الكلام، سمعت خبطتين هاديين جداً... منتظمين... على باب شقتي. خبطة... بعدين ثانية... بعدين خبطة. الخبط ماكانش بقوة ولا بعنف، كان خبط واحد واثق إن البيت بيته، وإن اللي جوة مفيش قدامها أي مفر. سحبت السكينة لصدري وأنا برجع لورا بخطوات ميتة، الموبايل في إيدي التانية نطق بصوت الإشعار المكتوم. بصيت في الشاشة، الرسالة المرة دي كانت بصوت... فويس نوت مدتها خمس ثواني. عصبي ماستحملتش، دوست تشغيل. طلع صوت حسام، بارد، هادي، وفيه نفس الحشرجة القاتلة: "المفتاح معايا من سنتين يا مريم... افتحي بدل ما أدخل أنا." سمعت صوت تكّة المفتاح وهو بيلف في قفل الباب الخارجي بالراحة... التكة الأولى... وبعدها التكة الثانية. الباب اتفتح بالراحة، صوت الخشب وهو بيزيح كان أطول من السكوت اللي خنق الأوضة. النور الضئيل اللي جاي من الصالة ورّا الباب رسم خياله الطويل على أرضية الممر. كان واقف بنفس البدلة السودا، ملامحه هادية ببرود يرعب، وإيده اليمين مستقرة جوة جيب البدلة، بينما إيده الشمال ماسكة مقص خياطة كبير ومصدي، بقع الدم القديمة عليه متيبسة. "مساء الخير يا مريم،" قالها بصوت وطي خالص، وكأنه داخل بيته بعد يوم شغل طويل. أنا ما نطقتش.. إيدي كانت بتضغط على مقبض السكينة لحد ما صوابعي اببيضت، وشهقتي كانت مسجونة في زوري. خطى خطوة لجوة، وقفلت ضلفة الباب وراه بركة رجله الهادية. بص للسكينة اللي في إيدي وابتسم ابتسامة باهتة خالية من أي مشاعر: "إنتِ فاكرة إنك مختلفة عن ندى؟ ولا عن اللي قبل ندى؟ كلكم بتبدأوا بالنظرة قدام الفاترينة.. الشغف ده هو اللي بيختاركم، مش أنا." قرب خطوة كمان، وعينيه اتثبتت في عينيا بثقل مرعب: "الفستان مش مجرد قماش.. الفستان ده روح، وما بيعيش غير لما يتقفل سوسته على جسم واحدة حست بجماله من أول دقيقة." "ابعد عني!" صرخت فيها أخيراً، وجسمي كله بيتنفض.. "لو قربت هقتلك!" ضحك بصوت مكتوم، ورفض الفكرة بهزة راس بطيئة وهو بيمد إيده بالمقص: "تقتليني؟ إنتِ مش شايفاني يا مريم.. إنتِ شايفاني خيال، بس الحقيقة إنك جيتي لحد عندي بساقيكِ، وإنتِ اللي دورتِ على السر." في اللحظة دي، عينيا لمحت حركة خاطفة وراه في ضلمة الصالة. خيال تاني كان بيتحرك بسكون تام.. الست العجوزة، أم ندى، كانت واقفة عند زاوية الممر، ماسكة في إيدها لوح خشب ثقيل مكسور من حرف الباب اللي انكسر في وسط البلد. حسام ما حشّش بيها، كان كل تركيزه عليا وعلى السكينة اللي في إيدي. كمل خطوته ورفع إيده بالمقص وهو بيقول: "يلا يا عروسة.. الوقت خلص." قبل ما يتحرك سنتيمتر واحد ناحيتي، الست نزلت باللوح الخشبي بكل ما فيها من غل وسنين قهر على ظهره ودماغه من ورا. الصوت كان انفجار مكتوم. حسام اتعرقل لقدام من قوة الخبطة، والمقص وقع من إيده يرن على البلاط. أنا ما استنيتش ثانية.. اندفعت لقدام بكل ثقلي، وغرست السكينة اللي في إيدي في كتفه. صرخ صرخة مكتومة متألمة، والتفت بذهول وهو بيحاول يمسك فيا، بس الست العجوزة زقته بقوة خلته يقع لورا ويخبط دماغه في حافة الترابيزة الرخام. وقع على الأرض، عينيه كانت مفتوحة بس الحركة في جسمه انتهت تماماً.. الدم بدأ يسيل بالراحة من دماغه ويفرش على السجادة. وقفت أنا والست بنلهث، أنفاسنا هي الصوت الوحيد اللي بيشق السكون. بصيت لها بذهول: "حضرتك.. حضرتك جيتي إزاي؟" الست بصت لجثة حسام المرمية، وعينيها مليانة دموع مشبّعة براحة غريبة وقالت بصوت مكسور: "أنا عارفة إنه بيلف حواليكي من يوم ما هرب.. كنت ماشية وراه خطوة بخطوة من غير ما يحس.. كان لازم أنهي الكابوس ده يا بنتي، عشان ندى تستريح." الشرطة جت بعد دقائق، المكان اتملى بصوت السراين والنور الأحمر والأزرق اللي بيلف على جدران الشقة. أخدوا حسام، وأخدوا أقوالنا، وعرفت إن الكابوس ده أخيرًا انتهى بجد.. مش خيال ولا اختفاء مجنون. بعد أسبوع، كنت واقفة قدام نفس الشباك في بيتي الجديد. النور كان طالع، والشمس مالية الشارع. مسكت الموبايل، وفتحت الألبوم لأول مرة من غير خوف.. سحبت الصورة بتاعة الإعلان وحذفتها، وقفت قدام مرايتي، وبصيت لنفسي، وعرفت إن السر دفن خلاص.. وإن الخميس الجاي، هكون أخيراً حرّة. عدت سنة كاملة على الليلة دي. سنة بحالها وأنا بحاول أرمي كل حاجة ورا ضهري، نسيت الزمالك، ونسيت وسط البلد، وحتى شغلي القديم غيرته، وبقت حياتي عبارة عن خطوط مستقيمة وهادية.. مفيش فيها أي مساحة للخوف أو المفاجآت. في يوم خميس عادي جداً، كنت طالعة من مول كبير في التجمع بعد ما خلصت شوبينج سريع. الشارع كان زحمة وأضواء المحلات بتنور المكان بطريقة مبهجة. وأنا ماشية رايحة لعربيتي، عيني لقطت محل فساتين زفاف وسهرة جديد، واسع جداً، وفاترينته متأمنة بإنارة ليد بيضاء هادية. وقفت من غير ما أحس.. زي ما تكون رجلي هي اللي خدت القرار نيابة عني. الفاترينة كانت فاضية تماماً، مفيش فيها غير مانيكان واحد بس في النص، ومفيش أي فستان متعاطى عليه.. المانيكان كان عريان، وجنبه كارت أسود صغير مكتوب عليه بخط ذهبي شيك: "افتتاح الفرع الجديد قريباً". اتنفسنا بتنهيدة طويلة، وابتسمت لنفسي ابتسامة إرتياح حقيقية لأول مرة من سنين. حسيت إن اللعنة انكسرت بجد، وإن الخوف اللي كان كاتم على نفسي اتبخر، والماضي خلاص بقى مجرد ذكرى بعيدة ومش هترجع. لفت ضهري ومشت بخطوات واثقة ناحية العربيات، وأنا بطلع مفتاح العربية من الشنطة.. وفجأة، سمعت صوت إشعار الموبايل. سحبته بالراحة، فتحت الشاشة.. كانت فيه رسالة جاية لي من رقم غير معروف، فيها كارت إهداء إلكتروني من المحل اللي كنت واقفة قدامه من ثواني. فتحت الكارت بحسن نية، لقيت مكتوب جواه: "شكراً لزيارتك.. الفستان الأحمر المقاس الخاص بحضرتك هيتوصل لعنوانك الجديد بكرة الصبح.. إهداء من المالك الجديد." تجمّدت في مكاني وسط الزحمة، المفتاح وقع من إيدي على الأسفلت وصوته يرن في ودني.. ولما رفعت عيني وبصيت للمحل تاني، لقيت النور الأبيض اللي في الفاترينة انطفى فجأة، وحل محله نور أحمر غامق.. والفستان الأحمر كان متعلّق في نص الفاترينة، بيلمع.. وبيستناني. الصدمة شلت حركتي لثواني، مفتاح العربية مرمي على الأسفلت وتحت رجلي الزحمة وصوت الكلاكسات شغالين، بس أنا كنت في عالم تاني خالص.. عالم السكوت المرعب اللي بيسبق الموت. عيني كانت متسمرة على الفاترينة، على الفستان الأحمر اللي بيلمع تحت النور الأحمر الغامق، وعقلي بيصرخ: "لأ.. الكابوس ده لازم ينتهي هنا.. ودلوقتي." وطيت، سحبت المفتاح من الأرض، وبدل ما أهرب زي كل مرة، لفيت ورجعت للمحل بخطوات سريعة ومجنونة. ماكنتش خايفة.. الخوف اتحول لغل وصافية صافية إني أواجه السر ده وأقطعه من جذوره. زقيت باب المحل الإزاز بقوة، الجرس المعلق رن بصوت حاد يرن في المكان الفاضي. "مين هنا؟!" صرخت بعلو صوتي والنفس طالع نازل من صدري.. "اطلعلي! اللعبة دي خلصت من سنة!" من ورا ستارة بيضا في أخر الصالة، خرج راجل في الخمسينات، لابس نظارة طبية وشكله مصمم أزياء راقي، بصلي باستغراب واندهاش: "يا فندم حضرتك كويسة؟ المحل مقفول وبنجهز للافتتاح بكرة!" "مين اللي بعتلي الرسالة دي؟!" رفعت الموبايل في وشه وأنا برتعش من الغضب.. "ومين المالك الجديد للمحل ده؟!" الراجل اتراجع لورا خطوة، وبص للموبايل وبعدين بصلي بهدوء وقال: "حضرتك أستاذه مريم؟" "أيوة أنا! مين اللي جاب اسمي هنا؟!" المصمم اتنهد تنهيدة طويلة، ومشيو ناحية الفاترينة، سحب الفستان الأحمر من على المانيكان ونزله بين إيديه. "يا أستاذة مريم.. الفستان ده مش للبيع، ولا فيه حد بعتلك رسائل تهديد.. الرسالة دي إعلان أوتوماتيكي الماركتينج بيبعته لأي حد بيقف قدام الفاترينة أكتر من دقيقتين عن طريق الحساسات.. أما الفستان ده، فصاحبه الأصلي اتصل بيا من أسبوعين ودفن ثمنه بالكامل، وطلب مني أعمل منه نسخة أخيره وأسلمها ليكي أنتِ بالذات." رقبتي جمدت: "صاحبه الأصلي؟ حسام مات في السجن من ست شهور!" "أنا معرفش مين حسام،" المصمم فتح درج المكتب وطلع منه جواب مقفول بالشمع الأحمر ورقعة قماش صفراء قديمة.. "اللي اشترى الفستان كانت ست كبيرة في السن، قبل ما تتوفى في المستشفى الشهر اللي فات.. سابتلي الجواب ده وقالتلي لما مريم تيجي، أديها الأمان." إيدي مسكت الجواب بالراحة، فتحته بخطوات ميتة. كان بخط إيد الست العجوزة.. أم ندى: "يا مريم يا بنتي.. لو بتقري الجواب ده، يبقى أنا قفلت الدائرة خلاص. حسام مات في سجنه، وندى بنتي ارتاحت في قبرها. الفستان ده ماكانش ملعون ولا حاجة.. الفستان ده كان مجرد عقدة نفسية ومرض عاش جواه. أنا طلبت من المصمم يعمل النسخة دي من قماش عادي، عشان أحرق الخوف اللي جوامعي وجواكي. الفستان ده ملكك أنتِ دلوقتي.. احرقيه، أو ارميه، أو البسيه وأنتِ حرة.. الكابوس انتهى بجد، وعيشي حياتك." دمعة حارة نزلت من عيني، دمعة مسحت كل سنة الخوف والهروب اللي عشتهم. بصيت للمصمم، أخدت منه الفستان، ومشيت بيه لحد سلة المهملات الكبيرة اللي برة المول.. رميته جواها، وولعت فيه بعود كبريت. القماش الأحمر اتأكل تحت النار، والدخان الأسود طار في هوا الليل وإختفى مع الزحمة. أخدت نفس عميق جداً لأول مرة من سنين.. لفيت ضهري، ركبت عربيتي، ومشيت.. ومن اليوم ده، الخميس بقى مجرد يوم في الأسبوع. تمت