القصة حقيقة ????????????????
انا حابه احكي ليكم تجاربي انا متزوجه لي ٨سنه وعندي تلاته أطفال ربنا يحفظهم .. زوجي شغال شغل ف قطاع خاص وقروشو كويسه وحال مستور الحمدلله … بس ماعندنا اي أملاك ولا بيت ولا عربيه ولا اي شيء يعني ماعاملين حاجه للزمن .. وطبعا انا انسانه غير مطلبه ابدا يعني من اتزوجتو ولليوم ماطلبت منو حاجه ووالله ماحصل جاب لي هديه غير مرة واحده فقط والأعياد ماحصل اتكسيت ولا المناسبات وبعد ده محترماهو ومقدراهو جدا .. وقلت هو لمن يلقى مابقصر مني مافي داعي ابقى نكديه … يلا عشان نوفر قمت عملت مشروع صغيروني من البيت وماشاء الله نجح ودخلو كويس وبقيت ممشيه حالي وقلت ليهو انت وفر من الراتب عشان نعمل لينا عربيه وبيت قال لي تمام وبدينا مشروع التوفير ووالله كنت خير عون له بس بعد فترة الفار لعب في عبو وعشم في (العرس) موظفه معاهو وطلبة .. والله ياجماعه انا لمن عرفت قلبي واجعني شديد وانا بطبيعه حالي منفعله جداااااا والله حارة نار …. جيت واجهتو وطوالي اعترف لي اصلو مانكر في اللحظه ديك قلبي عايز يقيف بس اتماسكت وببرود سالتو عايز تعرس لي؟؟؟؟
وكانت الإجابة….ده حقي الشرعي
لو كانت اجابه غير كدا كان حتكون ردة فعلي سيئه والله العظيم انا حسيت بي طمأنينة .. مشيت من قدامو وتاني ماقلت ولا حرف… مشيت صليت ونمت لكن هو شكلو مانام(شكلو خاف اكتلو وهو نايم) ????????????????????????????
المهم تاني يوم صحيت لقيتو عيونو منفخه قمت صليت وعملت لي كبايه شاي وقعدت اصلي ماسالتو وهو بعاين لي مرة مرة وانا بعاين ليهو جوة عيونو نظرات خالي تعبير
قام لبس ومشى الشغل من سكات … اتصل خلال اليوم اديتو بتو اصلي مارديت ولا حظرتو ولا مشيت بيت ابوي ولا اشتكيت لواحده من اخواتي
…وهو كل مرة يتصل يسأل بتو امك قاعده؟؟؟
جدك جاء؟؟؟؟
ف واحده من خالاتك جات؟؟؟
طيب فلانه جاتكم الليله (صاحبتي)؟؟؟؟
وبتي يحليله تجاوب… قال ليها اديني امك
مسكت التلفون بكل برود
..وعليكم السلام ورحمة الله
كيفك ..تمام الحمدلله
كلمه ورد غطاها وبقيت ساكته وهو ساكت قلت ليهو قلت عايزني خير … قال لي بس حابي اطمن … لا اطمن الحمدلله انا تمااااام
جاء نهايه الدوام …
لقى البيت وسخان
العده وسخانه
اكل مافي
عصير مافي
المشروع لاااغي
وانا فللللله وتمام راقده وماسكه تلفوني .
