السلام عليكم حاخـ،ـش في الموضـ،ـوع طوالي
في البدايه حتكلم عن وضـ،ـعي قبل العـ،ـرس و عن وضـ،ـع زوجـ،ـي عشان تكونو في الصورهأنا من قبل اتـ،ـزوج كنت شغاله و و معتمده على نفسي من أساسيات إلى رفاهيات وغير عن كدا ابوي الله يديه العافيه ما مقصر مننا و اتزوجت في 2018 زوجي شغال مع الأمراء بيقبض راتب كويس و بياخد عليها إكراميات متوفر له السكن مجانا و بياخد زياده على الراتب مبلغ للمعيشه و الحمدلله أهلو في السـ،ـودان وضعهم كويس ما بيصرف عليهم إلا من فتره لفتره.. وهو رفض اني انزل اشتغل بعد العرس، ولكن للأسف اكتر مشاكلي معاه في الماديات يعني ما يرضى يديني عشان اجامل اهلي في حين بشوفو هو بيجاملك اهلو بالكتير عادي و كمان عادي ممكن يخليني عند اهلي بالاسابيع عشان ظروف شغلو و لَكن ما بيخلي لي مصروف وان احتجت و اخدت من اخواتي ما بيديني ارجع ليهم يقول مافي دين بين الأخوات وكمان مشكلتي التانيه معاه موضوع الإنجاب مشيت فحصت بكذا مكان و قالو لي ما عندك مشـ،ـكله تمنع الإنجاب خلي زوجك يفحص ولكن هو رافض يفحص مرت خمس سنوات و هو على حالو بس انا ادور َمن مستشفى ل التانيه و اخد منشطات برضو بدون فايده و الدكتوره قالت لي ما تهلكي نفسك بالمنشطات مالم يفحص زوجك وهو رافض و غير عن كذا انا بيتي صغير جدا عباره غرفه وصاله صغيره وحمام ما عندي مطبخ ولكن في مساحه صغيره ممكن اعملها مطبخ كذا مره بطلب منو يجيب لي طاوله صغيره و بتجاز عشان اقدر اطبخ بدون ما اتعب برضو رافض و يتحجج بكلام فاضي علمآ بأني بطبخ في هيتر صغير على الارض يعني الطبخه حقت ساعه تاخد مني 4 ساعات طلبتا منو يجيب تموين اطبخ عند اهلي برضو رافض امي الله يديها العافيه دايمآ بتطبخ و تقسم لي اللي يكفي اسبوع و اكتر بقى معتمد على ده أخر مشكله كانت قبل رمضان اني عايزه اشتري شوية كاسات و عده عشان احس بفرحة رمضان طلبنا منو يوديني ابو خمسه حسسني اني عايزا امشي السيف غاليري
قالي رمضان الفات اشتريتي منو انا مع التراكمات الحاصله انفـ،ـجرت و طلعت القديم و الجديد وقلت ليه وديني ل أهلي و طلقني كلام زعل ولميت ملابسي هو وصلني اهلي و اتكلم مع امي و ابوي و قال ليهم ترتاح عندكم اسبوع و بجي اسوقها مرت سبع شهور لا اتصل ولا رسل قام ابوي دق عليه يشوف الحاصل قال مشغول لما افضى برجع ليك و مرت شهر تاني ابوي اتصل قال مسافر بس ارجع بجيكم البيت وتاني بقى ما بيرد ع الاتصال طوالي قلت ل ابوي دق ل اخوه الكبير و قول ليه بس عايزين و رقة الطلاق طوالي هو اتصل زعلان ليه نكلم اخوه قال انا بجيكم مستعجلين لشنو ابوي قال 9 شهور و تقول مستعجلين خلاص طلـ،ـقها و مرت سنه و خمس شهور لا بيصرف ولا يسأل حتى في تجديد إقامتي اضطريت ابيع شبكتي عشان ادفع ست الاف رسوم وهسي قبل اسبوع انا دقيت ليه وقلتا ليه معلقني إلى متى خلاص طلقني قالي كنت منتظر اسمعو منك وبعد اسبوعين حددو موعد في تطبيق تراضي
و دقت علي وحده من التطبيق وقالت لي انه هو طلق طلقه أولى قبل يومين و سألت إذا مافي مجال الصلح نصدر وثيقه طـ،ـلاق و انا حكيت ليها الحصل وانه ما صرف على طول الفتره الفاتت وقفلت، قام هو رسل لي فويس واتساب قالي( انتي طلبتي الطـ،ـلاق و انا ما طردتك انتي من نفسك طلعتي ف انا ما ملزم اصرف عليكي وانتي ما في بيتي و مدام قلتي كدا انا ح اطلب الشبكه و قروش الرسوم اللي دفعتها ليك السنوات الفاتت) ما رديت عليه ف انا هسي عايزا اخد حقوقي منو في المصاريف الفاتت ف يأهل الخبره و القانون افيدوني
