تحت أس___ر دعام__ي ????(1)

كنا عايشين مبسوطين في آمان الله لغاية قامت الحـ،ـرب دي والناس دي كلها بدت تسافر والـ،ـرعب والخـ،ـوف والوضع الاقتصادي كلو وااااطه كان حالة تخلي العاقل يجن عديل بعد ده احنا صمدنا وقلنا بتهون وم طلعنا بقينا نتحصن ونقول يومنا البجي خلاص كلو مكتوب..
كل يوم نلقى اشكال رصـ،ـاص ب أحجام مختلفه وحددنا الله حافظنا وكل يوم رعـ،ـب وأصـ،ـوات وحالة لا توصف بعد فترة اتعودنا على الوضع لغاية لما سمعنا في دعامه خشو المنطقه حقتنا

انا نسمه عمري ٢٤ سنه عندي ٣ أخوات عايشين مع خالتي لانو ابوي مشى اتزوج وخلانا وامي عملت نفس الشي فقامت حبوبتنا ربتنا والله يرحمها مـ،ـاتت وانا عمري ١٨ انا اكبر بت اخواتي أعمارهم صغار وحده ١٥ و١٣ و١٠…..ومن اليوم داك احنا مع خالتي هي بتعتبرنا زي بناتا لانو م عندها بنات وزوجها طلقها زمان….
نرجع….
من سمعنا الخبر واحنا الخلعه قتـ،ـلتنا سريع لمينا حاجات بسيطه وقررنا نطلع اليوم داك كان الضرب شغال بصورة مبااالغه والدانات دي مدورة المهم اتكلنا على الله لقينا ناس كتار طالعين والعربات ماشه سريع ماف زول بقيت ل التاني الصراحه الناس مفـ،ـجوعه وكلهم يقولو ي نفسي فجأة كده مرو فينا تاتشرات سايقين سواقه مجـ،ـانين م سواقه ناس طبيعين بقو يضربو في الرصـ،ـاص في الهواء ويخوفو في الناس الساعه ديك خالتي غمرت واخواتي يبكو وانا م عرفتا اعمل شنو بقيت ارجف بس من خـ،ـوفي بقيت اقول للناس ساعدوني خالتي وابكـ،ي واصـ،ـرخ فجـ،ـأة وقفت جنبي عربيه جاءت طايرة ب كلو وغبر الدنيا دي كلها بقيت امسح التراب من وشي اشوف في شنو وانا ارجف ساي فجـ،ـأة نزل منها واحد لابس زي الدعامه طرحتي طارت مه الهواء وشعري كاشف م ركزتا لانو الخـ،ـوف الساعه ديك متملكني ماسكه اخواتي وخالتي بس جاء وقف قصادي بقى العرق دع يتصبب مني واتـ،ـراجف كلي واتمم وقال لي مالك بتكوركي كده (بلهجتنا )عرفتو ده من أولادنا ما من الدعامه الأجانب قلتا ليهو خالتي غمرانه وانا م عارفه اعمل شنو قام كورك ل اصحابي جو مدورين بتاتشر رفعو خالتي واخواني بقيت مخلوعه وخايفه قلتا ليهم مودنهم وين قال لي المستشفى جاية اركب معاهم كده فجـ،ـأة جاءني واحد بلغه تانيه كلها جرجرة بتتفهم لكن بصعوبه الفيمتو منو انو انا م ح اركب مع ديل قلتا لي لي قال لي كدي قام جاء الدعامي السوداني اتكلم معاهو على اساس يخليني امشي مع اهلي المهم كوركو في بعض وقال لي اطلع عربيتك…